Брытанскія вучоныя

З пляцоўкі Паўдурапедыя
Перайсці да: рух, знайсці
Brytanskija vučonyja.jpg

Брытанскія вучоныя - самая дзівосная і самая парадаксальная плынь навуковага сьвету. Брытанія здаўна была месцам дзе прымудраліся сумяшчаць, самыя несумяшчальныя рэчы сьвету. Вось і навука Брытаніі, гэткая ж дзівосная і неверагодная. Не здарма прадстаўнікоў навуковага сьвету гэтай краіны, каб ані не пераблытаць з навукоўцамі іншых краінаў называюць менавіта "Вучонымі".

Да таго ж, вядома, што каб зрабіцца звычайным сьлесарам ці нават вулічным жабраком маладыя брытанцы вымушаны здаваць пасьля школы цяжкія з дзесятак цяжкіх іспытаў, а вось каб распачаць навуковую працу (дакладней, каб зрабіцца "вучоным") ад брытанца не патрабуюць нават уменьня пісаць і лічыць.

Вось ужо колькі стагодьдзяў брытанскія маці, каб адцягнуць сваіх бэйбусаў ад забаваў і пасадзіць за падручнікі, кажуць ім: "Ня будзеш вучыцца, пойдзеш у Ітан штаны праціраць", а большасьць школьных экскурсіяў праходзіць па навуковых цэнтрах, якія месьцяцца ў Брытаніі на кожным кроку.

Аднак, усім выпускнікам коледжаў ды ўніверсітэтаў Брытаніі ўсёроўна не хапае месца, менавіта там, плюс, каб прымусіць і гэтыя адкіды грамацтва, прыносіць карысьць роднае дзяржаве, Брытанія вымушана займацца экспартам сваіх вучоных у навуковыя ўстановы ўсяго сьвету, а за атрыманыя грошы наймаць сьпецыялістаў зь іншых краінаў.

Крыху гісторыі[правіць]

На сустрэчы выпускнікоў: Гэтаму чалавеку пашансавала, ён адзіны з ўсёй клясы атрымаў сапраўдную сьпецыяльнасьць, а не зрабіўся вучоным

Як усім вядома першыя навуковыя цэнтры ў Эўропе знаходзіліся ў каталіцкіх кляштарах, дзе перапісваліся кнігі і праводзіліся першыя навуковыя дасьледваньні. Таксама кляштары былі прытулкамі для злачынцаў-уцекачоў і адзіным месцам, куды маглі падацца тыя, чые рукі расьлі з дупы, бо ў кляштары маглі знайсьці занятак і для іх.

Аднак, калі ў іншых краінах навуковай дзейнасьцю займаліся выключна самыя разумныя ў Брытаніі было іншае становішча. Шалены абат кляштара сьв. Агаты Крысьці Тэры Прачэт, сам рабіўшы шматлікія і бязглуздыя эксперыменты, сабраў вакол сябе толькі тых каго сам быў у стане зразумець. Пазьней ягоныя вучні і паплечнікі разыйшліся па кляштарах і праз стагодьдзе навуковай дзейнасьцю ў Брытаніі займаліся выключна вар'яты і недавукі.

А потым прыйшлі часы рэфармацыі і англіканства. Манаскія ордэны былі разагнаныя, каталіцтва трапіла пад забарону. Аднак, трэба было нечым займаць тых, хто не ў стане нават завязаць матузкі на сваім абутку. Таму, брытанскі кароль Эльтан Джон вырашае перарабіць былыя кляштары на навуковыя цэнтры, куды па ранейшаму прыходзілі тыя, хто быў настолькі дурным, што ня мог ваяваць ці араць зямлю.

Дасьледваньні брытанскіх вучоных[правіць]

Брытанскі вучоны падчас працы

Са старадаўніх часоў да нашых дзён брытанскімі вучонымі было зьдзейснена 100500 адкрыцяў і навуковых дасьледваньняў, ня меўшых аніякай карысьці. Назавем толькі самыя громкія.

  • Брытанскімі вучонымі быў выведзены гібрыд крата й ільва. Жывёла ані не бачыць, але калі кагосьці намацае...
  • Брытанскія вучоныя высьветлілі, што калі доўга ня піць, адчуеш смагу.
  • Брытанскія вучоныя высьветлілі, што калі глыбока парэзаць палец зь яго пачне цеч кроў.
  • Брытанскія вучоныя высьветлілі, што прозьвішча Алісы з кнігі Льюіса Кэрала было Лідэл.
  • Брытанскія вучоныя высьветлілі, што калі ў мужчыны выпалі валасы, ён робіцца лысым.
  • Брытанскія вучоныя знайшлі сакрэт доўгага жыцьця вожыкаў - высьветлілася, што няма аніякага сакрэта, а самі вожыкі ня так ужо і доўга жывуць.
  • Брытанскія вучоныя высьветлілі, што пепсі-кола баіцца дражэ і калі тыя апыняюцца ў адной бутэльцы, кола фантанам выскоквае прэчкі.
  • Брытанскія вучоныя высьветлілі, чаму акулу з фільмаў Стывена Сьпілберга клічуць Сківіцы. Усё, таму што ў яе шмат востых зубоў у пашчы.
  • У Брытанскіх вучоных атрымалася заразіць чалавека кампутарным вірусам.
  • Брытанскія вучоныя высьветлілі, што смоўжы любяць дождж.
  • Брытанскія вучоныя раскрылі сакрэт, чаму ў эльфаў доўгія вушы. Гэтыя істоты жывуць сотні год і на кожны дзень народзінаў іх абавязкова цягаюць за вушы.
  • Брытанскiя вучоныя заявiлi: "У 2050 годзе нас будзе 10 мiльярдаў". Навошта нам 10 мiльярдаў брытанскiх вучоных?
  • Брытанскія вучоныя высьветлілі, што iснуюць атамы, сэрца i мама ("Atom Heart Mother").

Брытанскія вучоныя і Інстытут беларускай мовы[правіць]

Пане Каханку - чалавек дзякуючы якому на Беларусь трапілі брытанскія вучоныя

Як вядома, Пане Каханку па мянушцы Караль Радзівіл, сам у свой час вучыўся ў Брытаніі і ведаў шмат каго з навуковых колаў гэтай краіны. Але вярнуўшыся на радзіму пане са зьдзіўленьнем зразумеў, што цалкам забыўся роднае мовы. Замест таго, каб на пачатак наняць сабе перакладчыка, а самому пакрысе аднавіць уласныя веды, Каханку ўва ўласным маёнтку будуе навуковы цэнтр, куды запрашае сяброў з Ангельшчыны.

Новазбудаваная ўстанова атрымлівае назву Брытанскі Інстытут па вывучэньню беларускай мовы, ці скарочана Інстытут беларускай мовы. Аднак Каханку робіць прынцыповую памылку, нават прыбіральчшыццы ў ягонай установе былі запрошаны з Брытаніі, таму ані ніхто зь яго супрацоўнікаў мовы ня ведаў і нават ня мог размаўляць зь мясцовым насельніцтвам, каб зьбіраць аб гэтай мове хаця якія сьведчаньні.

Таму, супрацоўнікі інстытуту вырашылі заняцца той справай, якая ў іх атрымлівалася лепей за ўсё то бок займацца бязглуздыі эксперыментамі. Аднак, назву мяняць ці то забыліся ці то прынцыпова не пажадалі. З тых часоў Інстытут беларускай мовы зьяўляецца адзінай мовазнаўчай установай, супрацоўнікі якой мовы ня ведаюць прынцыпова і мовазнаўствам не займаюцца.

Больш таго, аднойчы супрацоўнік інстытуту, нехта Льюіс Кэрал па мянушцы Додсан, неяк схітрыўся беларускую мову вывучыць і прапанаваць калегам пачаць яе дасьледваньне. Аднак Кэрала з ганьбаю выкінулі з працы і забаранілі займацца вучонай дзейнасьцю. Таму, вярнуўшыся на Радзіму, Кэрал вымушаны быў здаць 200 цяжкіх іспытаў, каб мець магчымасьць вучыцца. Больш таго, атрымаўчы чалавечую адукацыю, Кэрал зрабіўся першым ў Брытаніі навукоўцам. Ня гледзяшчы на посьмешкі ад былых калег і непаразуменьне ўладаў, ён і яго вучні прымудрыліся зрабіць колькі карысных адкрыцьцяў. Але вы самі разумееце, што брытанскія навукоўцы нас з вамі не цікаваць.

Глядзіце яшчэ[правіць]